هاي البوادي تنزف دماكم يم الشريعة طايح لواكمطيحة علمنا حرقو خيمنا يم الشريعة طايح لواكم
قضيت ياليلة الحادي عشر وانتهت ولياني
لاضليت الي وليان ولا ضل عندي صيواني
قبل مايحدي حادينا قبل ماتمشي ركباني
نظرت نظرة الاخيرة لهم شفت اجساد خواني
صحت بنحيبي يالوذروكم
لسى بعدكم ماجفنوكم
واحنا بهضمنا حرقوا خيمنا
يم الشريعة طايح لواكم
يم الشريعة طايح لواكم
صحت وين الوجوه اللي كانت بالخيام تنوح
وجوه تغيبت بالدم تصب فوق الرمال نحور
اختفت بالطف علايمكم اختفت بالغاضرية بدور
ولا ضلت بعد منكم علامه تجبر المكسور
انظر جثثكم عالغبرة نومه
المن اعاتب المن الومه
بروحة زلمنا حرقوا خيمنا
يم الشريعة طايح لواكم
يم الشريعة طايح لواكم
احن واتذكر الحاله واهيم بعالم ضنوني
دخلت لكربلا واللياي بهناديهم يحيطوني
دخلت لكربلا وعباس تصد لرايته عيوني
طلعت من كربلا وسياط شمر الخنا على متوني
يعلم دليلي من يمشي ضعني
سياط الأعادي يشقفها متني
بهذا علمنا حرقوا خيمنا
يم الشريعة طايح لواكم
هاي البوادي
لدرب الكوفه مرة انظر ومرة التفت للأجساد
اشوف الاكبر بجاني وبجاني ابو السجاد
ومره تلفت على الروس كل راس بطرف مياد
عقب أهل الشيم اوقف اسيره بمجلس ابن زياد
آيا زماني شعندك خفايا
عقب الهواشم نطلع سبايا
جمرة ألمنا حرقوا خيمنا
يم الشريعة طايح لواكم
يم الشريعة طايح لواكم
ظلام وموحشه الدنيا عقب وهجة بني هاشم
بعد مامن شعاع ينوح عقب شمعة عرس جاسم
كفيل العايله العباس صريع على النهر نايم
واسف جسمي قمر مرعى لحلق الرمح والصارم
لاما اخوتي نفقد قمرنا
ماهالاعادي تسلب خدرنا
لاوالي يمنا حرقوا خيمنا
يم الشريعة طايح لواكم
يم الشريعة طايح لواكم
اودعكم على التربان واروحن ياهلي مسبيه
ويوم الأربعين ارجع والي ياهل الشيم جيه
اجيب الروس ويايه عهـــد وترتب عليه
واروي من اليسر حالات واحجي شما يمر بيه
ساعة واصيحن عنكم مشينا
هموم ونوايب مرت علينا
وبهذا همنا حرقوا خيمنا
يم الشريعه طايح لواكم
هاي البوادي
اودعكم واخلي الروح يم الجثث عالغبره
تفي على الاخو وتمسح دمي اللي يجري من نحره
إذا جيت ولقيت حسين جسمه موسد بقبره
اقلك فراقي وفراقك فراق النبي ويا الزهرة
وبنوحي ارجع للغاضرية
اذكر مصابي وجور آل اميه
سلبوا حرمنا حرقوا خيمنا
يم الشريعه طايح لواكم
يم الشريعة طايح لواكم
ليست هناك تعليقات:
إرسال تعليق