عَـظَّمْ اللـﮧ لڪم الأجْرَ~,.بذڪرى أربِعــٍِِينِ الإمــآمِ ـالحُسـِينْ [عليـﮧ سَلآمُ اللـﮧ]..

هنا يالنازلين هنا
بقبر حسين دلوني
تالي للمسنايه لراعي الجود والراية
اريد اروح شجايه
واقله يا بدر سعدي
رضيت القوم يسبوني

طاحت من على الناقة تبعتها خوان حسين
تتعثر وهي تنادي يخويه حسين قبرك وين
جيتك باليتامى اكعد تلاقانا يا نور العين
خويه يالمتت ضامي
دكعد جيت بأيتامي
شوف انتحلت عظامي
تراني من السهر يحسين
متشوف الدرب عيني

يخويه دكعد احجيلك عن احوالي بهالسفره
مشينا على الهزل حسر يخويه مشية الكشره
لبن زياد بالكوفة جنازيكم على الغبره
لو شفت الضعن من راح
حادينا بشتمنا صاح
كل ساع ويتيمٍ طاح
كل الروس منصوبه
عن شمالي وعن يميني

وصلنا الشام اه يالشام ما ينحمل طاريها
يريت موسده بقبري ولا طبيت واديها
يخويه يقصر لساني عن اهوال الشفت بيها
على بوابة الساعات
تلوح قبالنا الرايات
ظليت اجذب الحسرات
تمنيتك عدل يحسين
وبلحدي تواريني

خويه والخرابة شلون اوصفلك مصايبها
مهدومه وبليا فراش نتوسد ترايبها
وماتت فاطمة بيها محد من قرايبها
بقت يحسين ممدوده
عليها الجبد ممروده
وعلي مبهوض بقيوده
وانا انخاكم يعز الجار
لاجن ما تجيبوني

يبو السجاد ما تنهض العيلة وصلت بيها
محفوظه كرامتها دوم محافظه عليها
دربٍ وعر والغربة يخويه من يقاسيها
شمر الرجس حادينا
سوطه يلتوي علينا
دكعد وصلت سكينة
بهمة وحشم العباس
يبن امي وتلقوني

وصلناكم يبو فاضل ولا جيتوا تنزلونا
هاي الروس جبناها ومن نطلب العونه
راس حسين سمحوا لي تراهي مكسره سنونه
مصيبة مقدر احجيها
روحي تمرمرت بيها
اسمعوا مني تاليها
بطشت الذهب كسرهن
يزيد وتنظره عيوني

الشآعر:ملا عطية الجمري